كان حلم وما انتهاش , تجربة وعدت وانا الكسبان ♥

أول ما مارست مهنة التصميم والتصوير حبيتها أوي

كان سني 19 سنة

اتعلمت بسرعة واستوعبت حاجات كثيرة في وقت قصير

مريت بجولة كبيرة في أكبر وأهم استديوهات فى القاهرة

كان حلم دايما بيراودني ان يبقا عندي استديو خاص بيا بس الظروف المادية كانت دايما عائق بالنسبالي والدتي ساعدتنى وحققت حلمي وفتحت مكان صغير وسني كمان على ان اكون صاحب مؤسسة كان صغير كنت عندي 24 سنة فتحت الاستديو وسميته نور عيني بعد ما كان اسمه القديم الشمس كبرته واحدة واحدة وبنيته طوبة طوبة زي ما بيقولو لدرجة ان كنت بعمل شغل النقاشة بالكامل لوحدي وكنت برسم الحيطان زي ما انا عايز بايدي بس سنة بعد التانية ومعدل الشغل بيقل واقتصاد بلد بيتخنق وناس ماديا بتتعب أكتر واكتر الشغل بيقل والغلاء بيزيد استحملت كثير اوي شهور وسنين وقولت يمكن بكرة احسن ويمكن المكان يكبر وافتح فرع تاني لكن للأسف الموجة كانت عالية عليا يمكن اهمال مني فى اوقات اوقات تانية ظروف لكن الأكيد حال البلد ومش هنسي ايام ما كان الكهرباء بتقطع ده كان الانهيار الحقيقي اللى بدأ يحصل لشغلي :( الحلم النهاردة بينتهي والشمعة خلاص انطفت أصعب وقت بيمر عليا فى حياتي المهنية وانا بفضي المكان اللى عشت فيه سنين أصعب لحظة وانا اصلا بكتب الكلام ده انا حبيت الكيان وحبيت الاستديو لكن قدر الله وما شاء فعل الظروف والماديات أقوى من ان استمر استديو نور عيني مغلق بشكل نهائي قرار أخدته بعد شهور طويلة من التفكير والمحاولات ان اكمل الاستديو هيتقفل لكن الحلم مش هينتهي نقطة وهبدأ من أول السطر ... محمد مصباح